Удзельнікі гуртка “Спадчына” здзейснілі пазнавальную і натхняльную экскурсію ў Цэнтр раместваў і традыцыйнай культуры, дзе адбылася тэматычная сустрэча, прысвечаная беларускаму земляробчаму святу “Багач”.

Супрацоўнікі Цэнтра цёпла сустрэлі гасцей і пагрузілі іх у свет традыцыйнай культуры. Утульная зала была ўпрыгожана снапамі збожжа, ручнікамі і восеньскімі дарамі — сімваламі багацця і ўрадлівасці.
Гучалі народныя мелодыі, што стваралі асаблівую святочную атмасферу.
Навучэнцы даведаліся пра гісторыю і сэнс свята “Багач”, якое ў беларусаў звязана з заканчэннем жніва і падзякай за ўраджай. Экскурсавод распавёў пра абрад пераносу снапа — “багача” — у хату, пра яго ўпрыгожванне і захаванне да наступнага года як абярэга.
Сустрэча стала не толькі адукацыйнай, але і духоўна ўзбагачальнай. Навучэнцы адзначылі, што такія мерапрыемствы дапамагаюць глыбей зразумець нацыянальныя карані, адчуць сувязь пакаленняў і натхняцца для творчасці.☝️