27 студзеня адзначаецца Міжнародны дзень памяці ахвяр Халакосту. Гэты дзень быў зацверджаны 1 лістапада 2005 года Генеральнай Асамблеяй ААН.

Гэтая дата была абрана не выпадкова — менавіта 27 студзеня 1945 года былі вызвалены вязні канцлагера Асвецым. Лагера, дзе нацыстамі было знішчана больш за 2 млн. чалавек, большая частка з якіх былі яўрэі.

Само слова «Халакост» перакладаецца са старажытнагрэчаскай мовы як «усеспаленне», пад якім сёння разумеецца наўмысная спроба знішчэння фашыстамі яўрэйскай нацыі ў перыяд з 1933 па 1945 год.

Вашай увазе будзе прадстаўлены дакументальны фільм, мультымедыйная прэзентацыя, якія раскрыюць тэму Халакосту на Лідскай зямлі.